አሐዱ ራዲዮ

በግል ባለቤትነት ስር ያለ የሬዲዮ ጣቢያ ነው። · 17.5K

ቻናሉን በቴሌግራም ይክፈቱ

የቅርብ ጊዜ ዜናዎች

• ከሳዑዲ አረቢያ አስቸጋሪ ሁኔታ የተመለሱ ከ1 ሺህ 300 በላይ ኢትዮጵያውያን አገር ገቡ

  በሳዑዲ አረቢያ በአስቸጋሪ ሁኔታ ውስጥ የነበሩ 1 ሺህ 364 ኢትዮጵያውያን ባለፉት ሰብአዊ በረራዎች ወደ አገር መመለሳቸው ተገለጿል። የሴቶች እና ማኅበራዊ ጉዳይ ሚኒስቴር እንዳስታወቀው ከተመለሱት መካከል 1 ሺህ 360 ወንዶች፣ 4 ሴቶች እና 18 ታዳጊዎች ይገኙበታል።

• የአየር ንብረት ለውጥ በእናቶችና በጨቅላ ሕፃናት ጤና ላይ የሚያስከትለውን ተጽዕኖ ለመከላከል እየተሰራ መሆኑ ተገለጸ

  ጤና ሚኒስቴር የአየር ንብረት ለውጥን መቋቋም የሚችል የጤና ሥርዓት እንደሚገነባ አስታውቋል። ባለሙያዎች እንደገለጹት የአየር ንብረት ለውጥ ሕፃናት በዝቅተኛ የክብደት መጠን እንዲወለዱ እና ለተላላፊ በሽታዎች እንዲጋለጡ ምክንያት በመሆኑ ግንዛቤን የማሳደግ ሥራዎች እየተሠሩ ናቸው።

• የትግራይ ክልል ባለአደራ አስተዳደር የመሬት ዝውውር እና የኢንቨስትመንት ፈቃድ አሰጣጥ አገደ

  የትግራይ ክልል ባለአደራ አስተዳደር በሥራ አመራር፣ በመሬትና በማዕድን ዘርፎች የታዩ ብልሹ አሰራሮችን ለማጣራት የመሬት ዝውውርና የኢንቨስትመንት ፈቃድ አሰጣጥ ላልተወሰነ ጊዜ እንዲቋረጥ ወስኗል።

• ኢትዮጵያ ድንበር ተሻጋሪ ወንጀሎችን ለመግታት ዓለም አቀፍ የተጓዦች ትስስር ቴክኖሎጂ ልትተገብር ነው

  የፌደራል ፖሊስ ኮሚሽን ሽብርተኝነትንና ድንበር ተሻጋሪ ወንጀሎችን ለመከላከል የሚያስችል ዓለም አቀፍ የተጓዦች ትስስር ቴክኖሎጂ ሊተገብር መሆኑን አስታውቋል። ኮሚሽነር ጄኔራል ደመላሽ ገብሚካኤል ቴክኖሎጂው ተጓዦችን በመከታተል ወንጀለኞችን ለመያዝ እንደሚያስችል ገልጸዋል።

• በሰሜኑ ጦርነት ጉዳት ለደረሰባቸው ተሽከርካሪዎች 90 በመቶ የካሳ ክፍያ መፈጸሙ ተገለጸ

  የኢትዮጵያ ትራንስፖርት አሰሪዎች ፌዴሬሽን በሰሜኑ ጦርነት ተሽከርካሪያቸው ለወደመባቸው እና ጉዳት ላጋጠማቸው ባለቤቶች 90 በመቶ የሚሆነው የካሳ ክፍያ መፈጸሙን አስታውቋል። የቀሩት ባለሀብቶች ጉዳይ በሂደት ላይ መሆኑ ተገልጿል።

• የአፍሪካ የወጣቶች ቀን በአዲስ አበባ ተከበረ

  የአፍሪካ የወጣቶች ቀን በአዲስ አበባ ዩኒቨርሲቲ ተከብሮ ውሏል። በዝግጅቱ ላይ ወጣቶች በሰላም፣ በአንድነት እና ልማት ላይ ያላቸውን ሚና ማጠናከር እንዳለባቸው ተገልጿል።

• የመንግሥት አመራሮች በሁርሶ ወታደራዊ ማሠልጠኛ ሥልጠና እየወሰዱ መሆኑን ጠቅላይ ሚኒስትር ዐቢይ አሕመድ ገለጹ

  ጠቅላይ ሚኒስትር ዐቢይ አሕመድ (ዶ/ር) የመደመር መንግሥት አመራሮች በሁርሶ ወታደራዊ ማሠልጠኛ ሥልጠና በመውሰድ ላይ መሆናቸውን ገልጸዋል። ሥልጠናው ከወታደራዊ ሳይንስና ልምድ በመነሳት ዲሲፕሊንን፣ የጋራ ዓላማን በቅንጅት የማሳካት አቅምን፣ ኃላፊነትንና ተጠያቂነትን ለማጠናከር እንደሚረዳ አስረድተዋል።

• 3,751 ነጋዴዎች በኢ መደበኛ የንግድ ዘርፍ ወደ ስራ እንዲገቡ ተወሰነ

  የአዲስ አበባ ከተማ አስተዳደር ካቢኔ 3,751 ነዋሪዎች በተመረጡ አካባቢዎች ተንቀሳቃሽ የመሸጫ ሱቆችን በመጠቀም እንዲሠሩ ወስኗል። ሱቆቹ በአዲስ አበባ ዩኒቨርሲቲ የተዘጋጁ ሲሆን ያለማስያዣ ብድር ተመቻችቷል።